കോലഞ്ചേരി സെന്റ് പീറ്റേഴ്സ് കോളേജില് ജാസി ഗിഫ്റ്റ് പാട്ടുപാടിക്കൊണ്ടിരിക്കെ പ്രിന്സിപ്പാള് മൈക്ക് പിടിച്ച് വാങ്ങിയ സംഭവത്തില് വലിയ തരത്തിലുള്ള വിമർശനങ്ങളാണ് ഉയരുന്നത്. ജാസി ഗിഫ്റ്റിനെ പിന്തുണച്ച് രംഗത്തെത്തിയിരിക്കുകയാണ് കോൺഗ്രസ് ഉപാധ്യക്ഷൻ വി ടി ബൽറാം. ജാസി ഗിഫ്റ്റ് എന്ന ഗിഫ്റ്റഡായ സംഗീതജ്ഞനെ, അപമാനിക്കപ്പെട്ട ആ സ്വത്വത്തെ മലയാളികൾ ചേർത്തുപിടിക്കുക തന്നെ ചെയ്യുമെന്നാണ് വി ടി ബൽറാം ഫേസ്ബുക്കിൽ കുറിച്ചത്.
കഴിഞ്ഞ ദിവസമായിരുന്നു സംഭവമുണ്ടായത്. പുറത്ത് നിന്നുള്ള ആളുകളുടെ സംഗീതനിശ കോളേജിനകത്ത് നടത്തുന്നതിന് നിയന്ത്രണങ്ങളുണ്ടെന്നാണ് മൈക്ക് പിടിച്ചു വാങ്ങി പ്രിന്സിപ്പാള് പറഞ്ഞത്. കോലഞ്ചേരി സെന്റ് പീറ്റേഴ്സ് കോളേജില് പരിപാടിയിലെ മുഖ്യാതിഥിയായിരുന്നു ജാസി ഗിഫ്റ്റ്. പാടുന്നതിനിടെ ഉദ്ഘാടകന് ആയ ജാസി ഗിഫ്റ്റിന് മാത്രം പാടാനാണ് അനുമതി നല്കിയിരുന്നതെന്ന നിലപാടെടുത്ത പ്രിന്സിപ്പാള് മൈക്ക് പിടിച്ച് വാങ്ങുകയായിരുന്നു. പ്രിന്സിപ്പാളിന്റെ നടപടിയില് പ്രതിഷേധിച്ച് ജാസി ഗിഫ്റ്റ് വേദി വിട്ട് ഇറങ്ങിപ്പോയി. പിന്നീട് തനിക്കുണ്ടായ അനുഭവം സോഷ്യൽ മീഡിയയിലൂടെ ജാസി ഗിഫ്റ്റ് പങ്കിട്ടിരുന്നു.
വി ടി ബൽറാമിന്റെ കുറിപ്പ്
മലയാളികൾ ചേർത്തുപിടിക്കുക തന്നെ ചെയ്യും,
ജാസി ഗിഫ്റ്റ് എന്ന ഗിഫ്റ്റഡായ സംഗീതജ്ഞനെ,
ആ മനുഷ്യനെ,
അപമാനിക്കപ്പെട്ട ആ സ്വത്വത്തെ.
'ജാസിച്ചേട്ടനെ സ്നേഹിക്കാനും ബഹുമാനിക്കാനും അവർക്കിനിയും ജനിക്കേണ്ടിവരും'; ഗായിക രശ്മി സതീഷ്